Announcement for all Lauans and People in the Lau Group

This is a very important announcement received this evening by Fijian Elders (Matua) who for obvious reasons shall remain nameless. It details the reason why the Lauan people should not accept Bainimarama and his gun-boat manoeuvrings in the provinces of Lau.

Translation : Advice to the Vanua of Lau regarding Bainimarama's proposed visit:

_____________________________

NAI VAKASALA BIBI
NI QARAUNA! NA GATA VARASA ‘O VORE!! BAINIMARAMA – ME SOKO WASA TAUMADAYANI KI VANUABALAVU, CICIYA, LAU-E-LOMA, QAI MURI SARA KI YASAYASA MOALA – OQORI NAI I LOKU NI NONA VEISIKO RARABA.

E Vica Na Taro Au Na Taroga Taumada Vei Iko Vore Bainimarama.

1. Ni ko sa qai vakasivoya walega oqo na Gone Turaga Bale Vakatubu ni Vanua ko Lau ko Roko Ului ena “Coup 2006” – okoya ‘o a liutaki ira kina, ‘o beitaki koya vakailasu, sogoti koya ki vale ni veivesu, qai vakasasataki koya ki Kadavu me yacova ni qalowasa yani oqo ki Toga me bula kina mai na nomu vere vuni.

TARO : A cava na i “Naki” ni nomu mai “veisiko”? Ko cei na wekamu e tiko e Lau ko via mai sikova? E tawa tiko beka na nomu “koroturaga” se lala tu? Ke tawa tiko, ia e rairai era vakatawa tu ga na “KUTU” era “NO SCHOOL” ‘okoya ‘o taura “loto” tu kina na “RANK” kece ni Navy & RFMF ‘o sakitaka tu ena gauna oqo?

2. KEMUNI NA TURAGA-BALE MAI NA VANUA KO LAU. Eso na vuna bibi e sega kina ni dodonu moni ciqoma na veisiko nei Frank Bainimarama sa lavaka tiko yani vei kemuni mai na Yatulau taucoko. A nona sa valuta tiko qo ko Frank Bainimarama me vakarusa, vakamaduataka, vakararawataka ka vakadredretaka sara na bula vei iratou yadudua na Vuvale Vakaturaga-Vaka Tui na Yau na sala me ratou bula vinaka ka vakadeitaki talega kina.

3. Sa vakacevatataka ko Frank Bainimarama na nodratou dui (Bank Account) – tekivu mai vei ratou na marama Adi Koila, Adi Ateca, & (others).

4. Sa beitaki Roko Ului vakailasu tu ki na mataveilewai.

5. E sega sara vei Frank Bainimarama na veidokai kei na vakarokoroko baleti kemuni na lewe ni yasana ko Lau – ena nona veitaliataka tu na nonai valavala ena i tikotiko vakaturaga rokovi, dokai, okoya e dau kilai tani kina na vanua ko Lau :- mai vei ira na Turaga Bale na Tui Nayau, na Tui lau. (Ratu Sir Lala Sukuna kei Ratu Sir K. K. Mara).

6. Sa vakasabusabutaka tu na noda i yau levu e Lau, ko ya na nona veisoliyaka tu vei ira na vulagi na “Leiseni” ni qolivi ni noda wasawasa – e bau talega kina vakasisisi ena dela ni ua ni vei baravi eso.

7. E na nona sega ni kila se doka na bibi ni veiwekani, sa laki beitaka kina na Matanitu ko Toga me curuma vakaveitalia mai na wasawasa ni Matanitu ko Viti ena nona rogoca na kaci ni veivukei nei Cl Roko Ului. E na ca ni lomana kei na vere ni yalona me baleta na nona bula, era sa biuti koya kina na Turaga ni Valu era sa raica rawa tiko na vunau ca ena tinia kina na Matanitu Vakaivalu nei Frank Bainimarama na nona i lakolako.

A CAVA MONI CAKAVA KE SA MANI YACO YANI KO FB?

1. Oqori, e i lakolako vakamatanitu ki vei ira na nona vakailesilesi era tiko ena NOMUNI VANUA. Me vakataki ira na Roko Ovisa, Vuniwai, Qasenivuli, ka so tale.

2. Ko ira na vakailesilesi oqo vakamatanitu era na tavaki koya, qaravi koya, ka veivosaki kei koya me baleta na nodra cakacaka, kedra i sau, nodra i tikotiko kei na nodra veilesiyaki kina veivanua tale eso.

3. E sega ni dodonu moni cakava vua e dua na veiqaravi vakaturaga vakavanua, ka ni “sega” ni turaga bale ni nomuni Vanua, ka segai vakatale ga kina ena nona vanua ko Kiuva.

4. Ko Frank Bainimarama e lako tiko yani “vakavulagi” ki na nomuni veiyanuyanu vakaturaga mai Lau. E dodonu mo ni namaki koya me laki sevusevu kina vanua, me na soli kina vua na galala me qarava na nona cakacaka vei ira na nona vakailesilesi mai Yatu Lau.

5. E tu talega vei kemuni na i taukei ni veiyanuyanu yadua na dodonu moni ciqomi koya se sega ena rarama se butobuto ni ka sa cakava tiko kina noda vanua e daidai. E na sega tale ga ni dua na leqa kevaka ko ni na sega ni ciqomi koya.

Sa dri yani

Na Matua.